दिल्ली : दिल्लीच्या लाल किल्ला परिसरात आज सायंकाळी भिषण स्फोट झाला आहे. या स्फोटात आतापर्यंत 10 जणांचा मृत्यू झाला असून 30 जण गंभीर झाले आहेत. हा स्फोट लाल किल्ला मेट्रो स्टेशनच्या गेट नंबर एकच्या बाहेर पार्किंगमध्ये असलेल्या एका कार मध्ये झाला आहे. ज्यावेळी या कारमध्ये स्फोट झाला त्यावेळी या कारमध्ये काहीजण होते असेही सांगितले जात आहे.
हा आतंकवादी हल्ला आहे की गाडीतील CNG चा स्फोट आहे नेमके समजू शकलेले नाही. मात्र HA स्फोट इतका भिषण होता की यात अनेकांच्या शरीराचे तुकडे झाल्याचे सांगितले जात आहे. CNG वाहनाचा इतका भिषण स्फोट होऊ शकत नाही असे अनेकजण सांगत आहेत. त्यामुळे या घटनेमागे दहशतवाद्यांचा हात आहे का? हेही तपासले जात आहे.
दिल्ली च्या लाल किल्ला मेट्रो स्टेशनच्या परिसरात इको व्हॅनमध्ये हा स्फोट झाला आहे. स्फ़ोटाची हि घटना दिल्ली लाल किल्ला मेट्रो स्टेशनच्या बाहेर संध्याकाळी 6 वाजून 50 मिनिटांनी घडली आहे. स्फोटानंतर या परिसरात मोठी आग लागल्याने अनेक गाड्या आगीत जळून खाक झाल्या आहेत. या स्फोटानंतर संपूर्ण दिल्लीसह मुंबईतही हाय अलर्ट जारी करण्यात आला आहे